Versión PDF

Redaçom/ Como a cada 28 de junho, o Dia do Orgulho LGBT lembra os distúrbios de Stonewall em 1969 com a polícia novaiorquina, início do movimento de libertaçom homossexual. Compostela, a Corunha, e sobretudo Vigo, acolhérom o grosso das reivindicaçons.

Compostela

Na capital, o coletivo contra a privatizaçom da rua organizou ontem à tardinha umha jornada na praça do Pam, mostrando várias das suas reivindicaçons e projetos: horta, comedor popular, e também, como nom, a luita do coletivo LGTB. Faixas como “Assassinadas por ser lésbicas” fôrom algumhas das legendas, que lhes valérom o sacarsmo do racionário periódico o El Correo Gallego.

Vigo

A cidade olívica contou com umha grande programaçom a cárrego de coletivos locais, que fôrom do dia 20 ao 28: projeçons, “quedada” de mulheres para cear e ir de festa, obradoiros, concertos, vídeo-forum, palestras e programas de rádio, com o ato central no passado dia 23 com a manifestaçom sob a legenda “Matrimónio igualitário. Igualdade sem cortes”. Por sua parte, militantes de Briga dam hoje umha palestra em Vigo, e darám outra amanhá no CS Fuscalho, na Guarda.