Redacçom / Corenta e sete anos depois de ser proclamado como data nacional, o Dia das Letras congregou a maior cantidade de galegos e galegas nunca vista em favor do idioma. O juízo da manifestaçom convocada por Queremos galego tem que levar em conta, aliás, o feito de se tratar dum acto que decorria em feriado, no primeiro dia soleado depois dum Inverno mui persistente.

Redacçom / Segundo informa no seu blogue, a Escola Popular materializa essa proposta anunciada há meses: o primeiro dumha série de encontros de docentes soberanistas. A EPG pretende reunir profissionais do ensino -público ou privado- de todos os níveis, com o intuito de planificar possíveis intervençons conjuntas de tipo pedagógico e normalizador.

Redacçom / Segundo relata no seu sítio web através dumha cumprida crónica, e segundo pudo comprovar galizalivre.org, o resultado da greve polo galego foi irregular. Nos grandes centros urbanos do país, boa parte dos liceus parárom na jornada contra o 'decretaço', esquivando assi a pressom professoral e o silenciamento mediático que acompanhou a greve. Ponte Vedra, Compostela, Ourense, Lugo ou Vigo fôrom algums dos cenários onde o colectivo pró-galego chamou às e aos estudantes, com semelhante resultado.

Redacçom / Este ano recuperou-se, nem que for modestamente, a presença da 'revoluçom galega' de 1846 no calendário do movimento galego, adoito esquecida em favor de datas mais folclóricas. Dando continuidade, em certa medida, a esta iniciativa de Causa Galiza, vários colectivos de base do occidente galego preparam o resgate de outra data, o Dia da República Galega.

 Redacçom / À espera dumha decisom sindical que nom chega, grupos de trabalhadores tomam iniciativas pola sua conta. No dia de onte, e sem aviso prévio, um grupo de parados concentravam-se na cidade de Ferrol, umha das duas capitais obreiras da Galiza. “Nem temos paro nem morada, só nos resta a dignidade”, afirmárom. Desdobrárom umha faixa diante do prédio do concelho exigindo mobilizaçom obreira e medidas políticas.

 Redacçom / Marinheiros e mariscadores da ria de Ponte Vedra, da ria de Arousa e da ria de Vigo deslocárom-se onte, em autocarros fletados ou em carros particulares, aos julgados da vila do Leres. O motivo: o juízo contra dous marinheiros cangueses, os irmaos Costas, acusados de participarem na paralisaçom das obras do porto desportivo de Massó, motivo dumha das luitas populares mais desenvolvidas que se estám a dar na nossa Terra.

 Redacçom / Os e as trabalhadoras do lixo nom pudérom escolher melhores datas para a greve. Numha Compostela assediada de turistas e situada baixo os focos da propaganda mediática, as reivindicaçons do sector estám a ser forçosamente escuitadas.

 Redacçom / Mais um ano, o reintegracionismo, através das suas associaçons e centros sociais, estará presente na mobilizaçom massiva do Dia das Letras. Umha cor servirá de distintivo -o laranja, símbolo contra a imposiçom do espanhol-, e umha mensagem própria marcará distáncias com o discurso da concórdia e o bilinguismo “equilibrado”.

Redacçom / A organizaçom estudantil leva semanas fazendo circular polos centros de ensino da Galiza umha exposiçom ambulante dedicada a Carvalho Calero. Os painéis recolhem a vida e obra dum dos máximos valedores do reintegracionismo, envolvido desde a sua juventude na causa galega. Trata-se aliás dum dos grandes vultos da cultura galega ainda nom "apropriado" pola burocracia cultural autonómica, dado o seu compromisso beligerante com a visom galego-portuguesa da língua.

Redacçom / Enquanto as vozes da esquerda autorizada clamam polo juiz Garzón, as masmorras estatais continuam a acolher vulneraçons flagrantes. Assi acontece com o militante comunista galego Xaime Simón Quintela, "Moreno". Segundo nos recordam do Comité de Solidariedade, foi detido em 1985 pola sua militáncia no GRAPO. Agora vem de cumprir 25 anos de cadeia, quando devesse estar na rua -segundo a legislaçom que o condenou- no ano 2006.